لا تعب مسباحي اللي طاولته ابهامي
ولا فنى عمر المحاسب كيف يفني عمره
استشدي يا ظروفي واسرقي ايامي
واستريحي يالاماني من محاتى بكره
الليالي ماشيه فيني بعكس احلامي
ويش اسوي دام مالي فالليالي قدره
كنت طيب لو خطاي اني تبعت اوهامي
وعادة الطيب تخيب ظنونه ومايشره
لكن انتي والله انك وجعتي والامي
عقب فقدك كسري ابطى مالقينا جبره
كنت احبك فالطريق الصافي الاسلامي
مانويت بك الردا من صغره اليا كبره
ويومني قلت اقربي واستاسريني دامي
مخلصن كل المشاعر لك وقد العشره
ضاعت احلامي بلمحة عين من قدامي
انكسر قلبي وحظي فالحياة اخبره
اه يا جور الليالي واه يا ظلامي
واه ياجسر بنيته ماقدرت اعبره
يا عيوني قصة ابداعي وسر الهامي
اعذري قلب الشجاع ان كان هذا عذره
اتركي عنك السهر خليه لي ونامي
جعلني فدوة حجاجك لايعقد الكشره
ولا تحاتين الهموم اللي في صدري دامي
باقين ذاك الصبور اللي ماينفذ صبره