كلمات لطمية مادنكت علي الكريزي

مادنكت راس , من ونتي ونحيبي
من تزعل الناس , بس لازعل حبيبي

سنين بخدمته محزمه , محبوبي رحمة من السما
بس لازعل حبيبي , بس لازعل حبيبي

مادنكت راسي توكت , اسمه يا اسم حسيني
وعباس واكفلي ظهر , ماذللت جفيني
من احتاج بس الهم اجي , وخدمتهم التكفيني
وبالمرضى وانا شعلي , واليحجي مايعنيني
تتزاحم الروح , بجروحي واشتياقي
وتصيح الجروح شيعي وكلب غراقي
والمايحب مافهمه , محبوبي رحمة من السما
بس لازعل حبيبي , بس لازعل حبيبي

مو مسألة حبي وغزل , بس هو هذا احساسي
احسين عشقي البلكلب , وحسين تاج براسي
صيت وكرامة ومفخرة , مابين اهلي وناسي
اعقال وكشختي وهيبتي , وحجايتي ونوماسي
كل هاي الكلوب , والوادم الحبونا
الخاطر حسين , وي النجم علونا
منيالي اصيرن خادمه , محبوبي رحمة من السما
بس لازعل حبيبي , بس لازعل حبيبي

هنيالي اموت بخدمته , بالوحشه مايتركني
نزلوني لاحضان الكبر , وحسين يستقبلني
ويكلي يا ميت هلا , بالطيب اليخدمني
ويطلب رخصة من علي , ولكربلاء ياخذني
مابليله صار , اكعد واون بصوتي
ويم الحسين , اتمنى يقرب موتي
يا محلى هاي الخاتمة , محبوبي رحمة من السما
بس لازعل حبيبي , بس لازعل حبيبي

0 ردود

اترك رداً

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *