كلمات لطمية يالحادي مر بية على المسناية فاضل الركابي

يالحادي مر بية على المسناية
مشتاكة اشم جفوف راعي الراية

وديني للكفيل تره مشتاكه
يالحادي مو هين عليه فراكه

من كدح عنين بجت حتى الناقه
جود النهر ضاع النهر يمراقه

لاح على جفينا الفرات ومايه
يالحادي مر بية على المسناية

مشتاك اشم عطر الاخو بصدره
مشتاك اتمدد والوح بقدره

بجدامي جيت من المخيم جمره
اكعد واقله متوني صارت حمره

ماضل كافي للكمر يرضى بهايا
يالحادي مر بية على المسناية

يا الحادي صوب العلقم يوديني
خاف اتهنى بنومته وناسيني

على جفوفه وشلي المدامع عيني
حيل الطم على الكفيل وبجيني

ودوني للعباس راعي الراية
يالحادي مر بية على المسناية

انا اتجرعت الهضم بانواعه
وانا البيشال الطف ونحل كاعه

حسين السفينة وانا صرت شراعه
وانا الخذت مني الكفن اطباعه

كان ابو فضل بالشدد تتشايا
وانا لعباس ابجن يا عيوني يايا

مشيت ويه الشمر عباس وحداي وحداي وبالبحر ياخوي
والله وحداي يابوي وحدك شايل يمه الماي
وحداي وحداي اروح وينشمرو وانا السبية يخنوفي

0 ردود

اترك رداً

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *