لو بعدك فارق كان فكر قبل اما يسيبك بتعاني
لو بعدك يفرق او هامه كان قلل جرحك او لمه
كان يفهم انك من دمه ويقرب منك ما يسيبكيش
لو حبك فعلا كان قدر او فكر انه ما يبعدكيش
لو صانك اكتر بزيادة كان لم في قلبك اوجاعه
كان قرب منك كالعادة كان ضمك فعلا بدراعه
لو مرة اهتم باحوالك كان ياخد منك افعالك
كان ممكن جدا يبقالك ويصلح اكتر ما يكسر
لو حبك فعلا هيحاول لو بعدك فارق هيكمل
لو هو اساسا يستاهل كان ممكن جدا يتحمل
لو ناوي يحبك ويعافر كان ممكن يفضل للاخر
لو بعدك فارق كان فكر قبل اما يسيبك بتعاني
ونصيحة بجد اما تحبي مش لازم روحك تتعلق
كل الحكايات اللي تطمن في الغالب كانت بتقلق